Peshkimi i paligjshëm rrezikon ekosistemin detar në Vlorë
Metodat e ndaluara të peshkimit dhe përdorimi i dinamitit vijojnë të dëmtojnë rëndë florën dhe faunën nënujore në Gjirin e Vlorës.
Redaksia ZHURMA · · 1 min lexim
VLORË — Përdorimi i dinamitit dhe i metodave të ndaluara vazhdon të përbëjë kërcënim për ekosistemin detar në Gjirin e Vlorë, pavarësisht se rastet janë ulur krahasuar me vitet e kaluara. Ambientalisti Niko Dumani thotë se lënda plasëse përdoret kryesisht afër gadishullit të Karaburunit, duke shkaktuar dëme të mëdha te gjallesat dhe habitatet nënujore.
Sipas ekspertit, një sfidë tjetër mbetet veprimtaria e anijeve të mëdha që futen brenda gjirit dhe përdorin rrjeta që zbresin deri në tabanin e detit. Ligji përcakton rregullat për periudhat, thellësitë dhe metodat e shfrytëzimit të burimeve detare, por mungesa e kontrolleve dhe e monitorimit në terren pengon zbatimin e tyre, duke rrezikuar biodiversitetin dhe të ardhmen e ekonomisë vendase.