Arrestohet 16-vjeçari që plagosi me thikë një 52-vjeçar
Viktima 52-vjeçar merr lëndime të lehta, i dyshuari arrestohet
PRISHTINË — Një përleshje në Prishtinë ka përfunduar me plagosjen e një 52-vjeçari me thikë, ndërsa i dyshuari, një i mitur, është arrestuar pak minuta pas incidentit. Sipas burimeve, ngjarja ka ndodhur mbrëmjen e 30 korrikut, rreth orës 23:30, në rrugën "Fahri Fazliu" në Prishtinë.
Pas raportimit për një rrahje, njësitë policore kanë dalë menjëherë në vendin e ngjarjes, ku kanë gjetur viktimën me lëndime të lehta në këmbë, të shkaktuara nga një mjet i mprehtë – thikë. Ai është dërguar në QKUK, ku ka marrë trajtim mjekësor.
Me urdhër të Prokurorit të Shtetit, ndaj të miturit është iniciuar rasti për veprat penale "Lëndim i lehtë trupor" dhe "Armëmbajtje pa leje", ndërsa ai është ndaluar për 24 orë. Hetimet për rastin janë në vazhdim. Burim: Sinjali, https://sinjali.com/ekskluzive-16-vjecari-ther-me-thike-52-vjecarin-ne-prishtine-arrestohet-pak-minuta-pas-sulmit/
— Redaksia ZHURMA