Patriotët nga Shqipëria vizitojnë selinë e Vatra në New York — dhuruan 100 dollarë
Psikologia Entela Gjinaj dhe menaxheri Osman Basha u pritën nga drejtuesit e gazetës Dielli gjatë vizitës së tyre.
NEW YORK — Patriotë nga Shqipëria vizituan selinë e Federatës Vatra, ku u njohën nga afër me historinë e këtij institucioni të rëndësishëm të mërgatës shqiptare në Shtetet e Bashkuara të Amerikës. Psikologia Entela Gjinaj dhe menaxheri Osman Basha, të shoqëruar nga kryetari i degës së Vatrës në Long Island, Dr. Paulin Marku, u pritën nga editori i gazetës.
Gjatë takimit, miqtë u njohën në detaje me rrugëtimin 114-vjeçar të organizatës dhe kontributin e dhënë për komunitetin shqiptaro-amerikan e për çështjen kombëtare në trojet etnike. Ata vlerësuan lart rolin historik të figurave udhëheqëse të Vatrës dhe të gazetës Dielli ndër breza.
Në shenjë mirënjohjeje për mikpritjen, vizitorët dhuruan 100 dollarë për mbështetjen e veprimtarisë së Federatës Vatra, ndërsa nga ana e tyre morën kopje të gazetës historike që pasqyrojnë aktivitetin e vatranëve.
Burim: Dielli
— Redaksia ZHURMA
