Vatra e Amerikës emëron Kolec Ndojën si kryetar të Këshillit të ri

NEW YORK — Federata Pan-Shqiptare e Amerikës Vatra ka bërë publike përbërjen e Këshillit të ri dhe emërimet e reja në organikë, duke përfshirë drejtuesit e degëve nga qytete të ndryshme të Shteteve të Bashkuara dhe Kanadasë si anëtarë automatikë.

Kolec Ndoja është caktuar në krye të Këshillit, ndërsa struktura e re përfshin emra të njohur si Elio Ahmetaj, Rafaela Prifti, Thanas Gjika, Mehmet Kadria, Sejdi Hysenaj, Prend Ndoja, Ben Pllumaj, Aleksander Kume, Ardian Ruçi, Mimoza Ferraj Kule, Arkelian Zyba, Endri Filipi, Rafael Floqi dhe Ylli Dosku.

Në kuadër të organizimit të brendshëm, Rafaela Prifti është emëruar drejtore e Fondit të Studentëve “Vatra Educational Fund”, kurse Nazim Salihu është caktuar drejtor i Marketingut dhe Eventeve në “Noli Tv”. Federata ka njoftuar gjithashtu se degët, kryetarët e të cilave janë përfshirë në Kryesi, do t'i nënshtrohen procesit të zgjedhjeve të reja.
Burim: Dielli (Vatra, SHBA)
— Redaksia ZHURMA