Kush lirohet nga akuza për 'Talir 2'?
Gjykata Penale e hodhi poshtë akuzën kundër ish-kryeministrin pas ndryshimeve në Kodin Penal të bëra në shtator të vitit 2023
Redaksia ZHURMA · · Përditësuar · 2 min lexim
Gjykata Penale e hodhi poshtë akuzën kundër ish-kryeministrin Nikolla Gruevski në lëndën 'Talir 2', hetim i ish Prokurorisë Speciale që i referohej ndërtimit të paligjshëm të objektit të VMRO-DPMNE-së, akuzë për të cilën 'Pallati i Bardhë' ishte nën masën e konfiskimit.
Sipas gjykatëses Daniella Aleksovska akuza bie poshtë falë ndryshimeve në Kodin Penal të bëra në shtator të vitit 2023. Aleksovska madje shtoi se prokuroria nuk ka arritur ta vërteton qëllimin e ish-kryeministrit Gruevski për të kryer vepër penale.
Me vendim të gjykatës, harxhimet e procedurës gjyqësore do të shkojnë në dëm të shtetit. Për shkak se organi i akuzës deklaroi ankesë ndaj vendimit, kërkoi që objekti të mbetet në statusin e ngrirë apo nën formën e konfiskimit, por këtë propozim gjykata nuk e pranoi.
Ky vendim i gjykatës i kthen në pronësi të plotë VMRO-DPMNE-së 'Pallatin e Bardhë'. Në prill të këtij viti, lëndën 'Talir 2' e mori përsipër prokurori Kristian Smilevski nga Prokuroria Publike e Shkupit, pasi prokurorja Lençe Ristovska dha dorëheqjen.
Gjykata e Apelit në Shkup, në janar të vitit 2024, për shkak të ndryshimeve në Kodin Penal lidhur me veprën penale nga neni 353 i Kodit Penal, e shfuqizoi aktgjykimin e shkallës së parë për rastin 'Talir 2' dhe e ktheu lëndën për rigjykim në gjykatën e shkallës së parë.
Ekstraidimi i tij në Shkup në këtë fazë të statusit shtetas i Hungarisë nuk është i mundur, pavarësisht se kryeministri i ri Peter Magjar kishte paralajmëruar depërtimin e tij dhe heqjen e statusit shtetas.
