Ndryshojnë çmimet e derivateve në Maqedoninë e Veriut

Komisioni Rregullator i Energjetikës ka marrë vendim të ri për përcaktimin e çmimeve të derivateve të naftës, duke sjellë ulje për benzinën dhe shtrenjtim për lëndët e tjera djegëse. Çmimi i benzinave do të lirohet për 2,5 denarë për litër pas mesnate.

Ndryshimet prekin edhe produktet e tjera energjetike në treg. Sipas vendimit të fundit të KRRE-së, çmimi i naftës dhe i vajit ekstra të lehtë do të shtrenjtohet për 2 denarë për litër.

Pas këtyre ndryshimeve, çmimet e reja të përcaktuara zyrtarisht për litër janë vendosur në 99,0 denarë për naftën, 100,5 denarë për benzinën BS-98, si dhe 110,5 denarë për vajin ekstra të lehtë.