Ndërtimi i dy fushave të reja futbolli në Luginën e Preshevës

Nisma e Federatës Shqiptare të Futbollit për ndërtimin e dy fushave moderne të futbollit në Luginën e Preshevës ka siguruar mbështetjen e drejtuesve vendorë, komunitetit sportiv dhe qytetarëve në Bujanoc dhe Preshevë. Projekti synon të krijojë kushte më të mira për stërvitjen dhe zhvillimin e fëmijëve dhe të rinjve që merren me futboll.

Kryetari i Komunës së Bujanocit, Arbër Pajaziti, e ka cilësuar këtë si një investim të drejtpërdrejtë në sport dhe në të ardhmen e fëmijëve të zonës. Gjatë deklaratës së tij, ai falënderoi gjithashtu biznesmenin me origjinë nga Bujanoci, Tamer Turker, për kontributin financiar në këtë nismë, duke u bërë thirrje edhe bizneseve të tjera që të japin ndihmën e lor për realizimin e projektit.