Bashkimi pëson humbje ndaj Bigbank Kalev në FIBA Europe Cup

Bashkimi është mposhtur nga skuadra estoneze Bigbank/Kalev me rezultat 88:84 në xhiron e tretë të FIBA Europe Cup, në një përballje të ngushtë të zhvilluar në Tallinn. Skuadra prizrenase e nisi takimin me një disavantazh minimal prej 20-19 në çerekun e parë, por reagoi në dhjetëminutëshin e dytë duke e fituar 21-19 dhe duke kaluar në pushim me epërsi të lehtë. Megjithatë, vendasit u rikthyen fuqishëm në çerekun e tretë duke triumfuar 28-24, ndërsa në periodën e fundit fituan 21-20 për të vulosur fitoren me katër pikë diferencë.

Te skuadra e Bashkimit u dallua Lejson Zeqiri si më efikasi me 23 pikë, i ndjekur nga Divine Myles me 20 pikë, Shannon Shorter me 15 dhe Adrio Bailey me 10 pikë. Te ekipi estonez, Hugo Toom shkëlqeu me 22 pikë, kurse Damian Forrest dhe Kevaughn Allen kontribuuan nga 15 pikë secili. Prizrenasit do t'i vazhdojnë sfidat e radhës në fazën e grupeve, ku në xhiron e ardhshme do të presin ekipin francez Elan Chalon, ndërsa në kalendar kanë për të zhvilluar edhe ndeshjen e shtyrë ndaj Manchester Basketball.