Pse do të ndërpritet furnizimi me energji elektrike në disa zona të Malësisë së Madhe?
Ndërprerja e furnizimit me energji elektrike do të realizohet për shkak të punimeve për ndërtimin e linjës së re 35 kV Koplik–Dedaj–Bogë
KOPLIK — Operatori i Sistemit të Shpërndarjes (OSSH) njoftoi se, për shkak të punimeve për ndërtimin e linjës së re 35 kV Koplik–Dedaj–Bogë, do të kryhet stakim i planifikuar i furnizimit me energji elektrike në disa zona të Bashkisë Malësi e Madhe.
Sipas OSSH-së, ndërprerja do të realizohet në datat 29 dhe 30 qershor, si dhe 1 korrik, në intervalin 08:00–17:00, për shkak të punimeve në rrjet.
Nga stakimi do të preken zonat Shkrel, Goraj, Katund Kastrati dhe Gradiskije, të cilat furnizohen nga fidri Zagora i Nënstacionit Koplik.
OSSH bën të ditur se ndërprerja e përkohshme është e nevojshme "për të garantuar zhvillimin e punimeve në kushte sigurie dhe për përfundimin e investimit në rrjetin elektrik."
Në njoftimin e OSSH-së theksohet se "kërkohet mirëkuptimi i abonentëve për stakimin e nevojshëm si masë sigurie që lejon zhvillimin e punimeve në rrjet."
Sipas OSSH-së, ndërtimi i linjës së re 35 kV Koplik–Dedaj–Bogë është pjesë e investimeve për fuqizimin e rrjetit të shpërndarjes dhe rritjen e cilësisë dhe sigurisë së furnizimit me energji elektrike për banorët dhe bizneset e zonës.
Burim: ATSH
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.