Ndahet nga jeta në moshën 69-vjeçare ish-futbollisti Xhevat Prekazi

Ish-futbollisti i njohur me origjinë nga Mitrovica, Xhevat Prekazi, ka ndërruar jetë në moshën 69-vjeçare, duke lënë pas një karrierë të pasur në futbollin vendor dhe ndërkombëtar. Gjatë rrugës së tij sportive, ai debutoi për Partizanin e Beogradit në sezonin 1977/1978, ku zhvilloi 153 ndeshje, shënoi 19 gola dhe fitoj tre tituj kampioni. Përveç kësaj periudhe, ai ka mbrojtur ngjyrat e disa skuadrave të tjera të njohura si Hajduku i Splitit, Galatasaray, Altay dhe Bakirkoyspor, ndërsa me fanellën e Galatasarayt realizoi 40 gola në 185 ndeshje dhe fitoi dy herë titullin e kampionit të Turqisë.

Klubi i futbollit Partizani ka njoftuar publikisht për ndarjen nga jeta të ish-lojtarit të tyre legjendar, duke theksuar se detajet rreth ceremonisë së varrimit do të bëhen të ditura në një moment të mëvonshëm. Në njoftimin e tyre gjithashtu u vu në pah lidhja e ngushtë e tij me klubin: «Megjithatë, Xhevat Prekazi theksonte gjithmonë se Partizani ishte shtëpia e tij e dytë; ai e vizitonte shpesh klubin dhe ndiqte rregullisht rezultatet e “bardhezinjve”».