Interi mposht Comon dhe ngjitet në vendin e dytë në Serie A

Interi regjistroi fitoren e dytë radhazi në të gjitha garat pasi mposhti Comon me rezultatin 2-0 në kuadër të xhiros së 11-të të Serie A. Skuadra e drejtuar nga trajneri Cristian Chivu kaloi në epërsi qysh në minutën e 12-të, kur Francesco Pio Esposito u tregua i saktë brenda zonës për ta dërguar topin në rrjetë. Zikaltrit vazhduan dominimin dhe e dyfishuan epërsinë në minutën e 19-të përmes Marcus Thuramit, i cili reagoi saktë pas një topi të kthyer. Pjesa e parë u mbyll me këtë rezultat, ndërsa në fraksionin e dytë trajnerët bënë disa zëvendësime dhe rezultati mbetet i pandryshuar deri në fund të takimit të drejtuar nga gjyqtari Daniele Chiffi.

Përballja solli edhe raste të tjera, ku Como tentoi të kthehej në lojë, por Nico Paz qëlloi shtyllën në minutën e 84-t. Kjo fitore e ngjit Interin në kuotën e 28 pikëve, duke mbajtur pozitën e dytë në tabelë, një pikë më pak se Lazio kryesuese, ndërsa Como mbetet në vendin e pestë me 23 pikë të grumbulluara pas këtij sezoni në elitën e futbollit italian.