Nagavci: Grupi për mbrojtjen e ish-krerëve të UÇK-së nis punën javën tjetër
Procesi i delegimit të anëtarëve pritet të përmbyllet deri në fillim të javës së ardhshme, sipas deputetes së Lëvizjes Vetëvendosje.
Redaksia ZHURMA · · 1 min lexim
Arbërie Nagavci ka bërë të ditur se struktura e cila do të merret me mbrojtjen e ish-krerëve të UÇK-së në shkallën e dytë të apelit në Hagë do të jetë funksionale deri në fillim të javës tjetër. Lëvizja Vetëvendosje ende nuk e ka zyrtarizuar deputetin që do ta përfaqësojë në këtë mekanizëm, por ajo ka theksuar se përfaqësuesi do të ketë përvojën e duhur.
Sipas saj, vendimi i Qeverisë për themelimin e këtij grupi është vlerësuar si i rëndësishëm, ndërsa udhëheqja e tij do t'i takojë kryediplomatit Glauk Konjufca. Ajo ka shtuar se pret harmoni dhe pajtueshmëri të plotë mes anëtarëve të këtij organizimi shumëdimensional.
