Berisha: Dorëheqja e Ramës, kërkesë ultimative e protestës studentore

Kryetari i Partisë Demokratike, Sali Berisha, në një konferencë për media, i ka kërkuar sërish kryeministrit Edi Rama të japë dorëheqjen, duke e cilësuar këtë si kërkesë ultimative të protestës studentore, opozitës dhe mbarë shqiptarëve.

Gjatë fjalës së tij, Berisha u ka bërë thirrje mjekëve dhe infermierëve që të solidarizohen dhe t'u bashkohen studentëve në protestë, e cila ka hyrë në ditën e saj të tretë. Kreu i opozitës ka theksuar se Partia Demokratike i mbështet fuqishëm kërkesat e lëvizjes studentore dhe se largimi i kryeministrit është zgjidhja e vetme për situatën e krijuar në vend.