Sa u rrit paga mesatare gjatë qeverisë Kurti sipas Muratit?
Ministri në detyrë i Financave citon të dhënat e ASK-së për të krahasuar rritjen me qeveritë e mëparshme.
PRISHTINË — Ministri në detyrë i Financave, Hekuran Murati, ka deklaruar se paga mesatare bruto në Kosovë për vitin 2025 ka arritur në 713 euro, rritje prej 247 eurosh krahasuar me vitin 2020 kur Qeveria Kurti mori mandatin.
Sipas Muratit, i cili iu referua të dhënave të Agjencisë së Statistikave të Kosovës, rritja prej 53 për qind gjatë mandatit të tanishëm është tri herë më e madhe se ajo e periudhës 2014-2019. Ai theksoi se atëherë paga mesatare u rrit për 74 euro, ose 18 për qind, gjatë qeverive të udhëhequra nga Isa Mustafa dhe Ramush Haradinaj.
Murati i bëri thirrje mediave dhe analistëve t'u referohen statistikave zyrtare të ASK-së kur flasin për rritjen e pagave.
Burim: Zëri
— Redaksia ZHURMA