Pse mungon emërtimi i rrugëve në Tetovë?
Avokati Qenan Rahmani alarmon se pasojat ligjore për qytetarët janë të jashtëzakonshme për shkak të mungesës së emrave të rrugëve dhe numrit të vendbanimeve
— Në rajonin e Tetovës, mbi 90 fshatra pa emra rrugësh apo numra adresash po i bëjnë të vështirë banorët dhe institucioneve. Avokati Qenan Rahmani thotë se ky sistem i mangët është kthyer në një makth të vërtetë, jo vetëm për banorët, por edhe për postat shtetërore e private.
Vetëm qyteti i Tetovës numëron 19 fshatra administrative, por nëse llogaritet i gjithë rajoni bashkë me komunat rurale, numri shkon në rreth 90 vendbanime. Paradoksi qëndron në faktin se pothuajse në asnjë prej këtyre fshatrave nuk ekzistojnë emra rrugësh apo numra adresash.
Drejtori i Postës së Maqedonisë, Orhan Kurtishi, pranon se terreni ka mbetur zbuluar, pasi numri i punonjësve që dalin në pension është shumë më i lartë se numri i punësimeve të reja. Gjatë tre viteve të kaluara, ne kemi pasur diku 450 të punësuar, të cilët kanë shkuar në pension ose kanë ndërruar vendin e punës.
Se situata është kritike e dëshmojnë edhe akuzat e fundit të opozitës në Tetovë, sipas të cilave rreth 4 mijë qytetarë përfunduan te përmbaruesit vetëm për shkak të mosmarrjes së paralajmërimeve për pagesën e mbeturinave.
Shumë prej tyre kishin deklaruar për TV21 se nuk kishin pranuar asnjë faturë në shtëpitë e tyre. Ndërkaq, numri i atyre që nuk arrijnë të marrin ftesat e gjykatave dhe që përballen me sanksione të rënda dyshohet të jetë jashtëzakonisht më i lartë.
Burim: Gazeta Express, https://www.gazetaexpress.com/kaos-me-adresat-ne-rajonin-e-tetoves-mbi-90-fshatra-pa-emra-rrugesh-qytetaret-perfundojne-ne-burgje-e-permbarues/
— Redaksia ZHURMA