Çfarë ndodhi në Haraçinë mes policisë dhe shoferit të drunjve?

SHKUP — Ministria e Punëve të Brendshme (MPB) ka dhënë sqarim për të shtënat me armë të së martës në Haraçinë të Shkupit. Sipas MPB-së, më 24 maj 2026 rreth orës 12:00, zyrtarët policorë i dhanë shenjë për ndalim një kamioni të ngarkuar me dru në hyrje të fshatit, por shoferi nuk u ndal dhe vazhdoi lëvizjen.

Më pas, shoferi e drejtoi kamionin drejt policëve dhe automjetit zyrtar. Policët reaguan duke shtënë plumba paralajmërues në ajër. Shoferi shkarkoi drutë në rrugë dhe u largua në drejtim të panjohur. Nuk ka persona të lënduar; drutë iu dorëzuan Policisë Pyjore.

Kryetari i komunës së Haraçinës, Daut Beqiri, reagoi duke kërkuar profesionalizëm maksimal në aksionet policore. "Çdo aksion duhet të zhvillohet me profesionalizëm dhe kujdes maksimal ndaj sigurisë së qytetarëve", tha ai, duke shtuar se ngjarja ndodhi në zonë të banuar me familje dhe shkaktoi shqetësim të madh tek banorët. Beqiri kërkoi nga institucionet kompetente që rasti të shqyrtohet me seriozitet.

Në rrjetet sociale pati reagime të shumta për shkak të pranisë së madhe të forcave policore dhe të shtënavë me armë.

Burim: Telegrafi
— Redaksia ZHURMA