MPB: 2.720 urdhërpagesa dhe 67 të arrestuar nga kontrollit i trafikut

Ministria e Punëve të Brendshme njoftoi se gjatë kontrolleve të rregullta të trafikut të zhvilluara më 23, 24 dhe 25 tetor në rrugët e vendit janë shqiptuar 2.720 urdhërpagesa, ndërsa 67 persona janë privuar nga liria për shkak të drejtimit të pakujdesshëm të automjeteve.

Sipas të dhënave zyrtare, gjatë këtij aksioni policor gjysma e shkeljeve, përkatësisht 1.360 kundërvajtje, lidheshin me mosrespektimin e shpejtësisë së lejuar nga ana e drejtuesve të mjeteve. Po ashtu, efektivët e rendit kapën 57 shoferë nën ndikimin e alkoolit, regjistruan 328 raste të parkimit të parregullt dhe ndëshkuan 239 pjesëmarrës për mospërdorim të rripit të sigurisë, si dhe 33 drejtues motoçikletash që lëviznin pa helmetë mbrojtëse.

Gjatë këtij aksioni policor janë sekuestruar 27 automjete në mbështetje të nenit 300-b të Kodit Penal. Për më tepër, institucionet sanksionuan tetë shoferë për errësimin e xhamave me folie pa respektuar rregullat, ndërsa në përputhje me Ligjin për automjetet u larguan nga trafiku 23 mjete të paregjistruara dhe katër të tjera për shkak të defekteve teknike.

Sa i përket 67 personave të arrestuar, Ministria e Punëve të Brendshme bëri me dije se 21 prej tyre po ngtisnin automjetet pa pasur patentë shoferi, tetë po udhëtonin megjithëse kishin një ndalim të mëparshëm, shtatë ishin nën efektin e alkoolit, tre kishin tejkaluar shpejtësinë jashtë vendbanimeve dhe një person për tejkalim të shpejtësisë brenda zonave të banuara.

Në përfundim të aksionit, policia u bëri thirrje publike të gjithë pjesëmarrësve në rrugë që të zbatojnë me përpikëri rregullat dhe normat e komunikacionit, me qëllim rritjen e nivelit të sigurisë rrugore.