Veliaj dërgon mesazh nga qelia për protestat studentore në Serbi

Kryetari i bashkisë së Tiranës, Erion Veliaj, ka përcjellë një reagim nga qelia në lidhje me zgjedhjet parlamentare në Serbi dhe lëvizjet e studentëve atje. Sipas burimeve, ai i është drejtuar me një mesazh indirekt kryeministrit Edi Rama, ndërsa ka përgëzuar studentët për rezultatin e tyre politik dhe për atë që e cilëson si rrëzim nga pushteti i udhëheqësit të Beogradit, të cilin e ka quajtur makiavelist dhe populist.

Në mesazhin e tij të shpërndarë në mediat sociale, Veliaj u shpreh se «Lëvizjet dhe protestat studentore nuk janë “fundi i botës”, por fundi i “një bote”». Ai shtoi se qytetarët dhe politikëbërësit duhet ta kuptojnë këtë sa më parë për t'iu përgjigjur pritshmërive të gjeneratës së re, ndërkohë që ka përgëzuar edhe shqiptarët e Luginës së Preshevës dhe të Serbisë, të cilët sipas projeksioneve aktuale kanë siguruar dy mandate në parlamentin serb.