Tetovë: Shoferi i dehur përplas tre 16-vjeçarë dhe kapet me drogë
Një 42-vjeçar është ndaluar nga policia pasi goditi tre të mitur në qytet dhe u largua.
Redaksia ZHURMA · · 1 min lexim
TETOVË — Më 24.10.2026, rreth orës 22:20, në Tetovë, në bulevardin „Vidoe Smilevski Bato”, një automjet tip „BMW” me targa vendase, i drejtuar nga 42-vjeçari D.S., ka goditur tre të mitur 16-vjeçarë, të gjithë banorë të qytetit. Pas aksidentit, drejtuesi është larguar me makinën e tij, por është kapur dhe ndaluar pak më vonë nga policia në rrugën „Nikolla Tesla”. Gjatë testimit, atij i janë konstatuar 2,22 promilë alkool në gjak, ndërsa në automjet janë gjetur edhe tri paketime me marihuanë. Të plagosurit janë dërguar në Spitalin Klinik të Tetovës, ku është konfirmuar se njëri prej tyre ka pësuar lëndime të rënda trupore, kurse dy të tjerët kanë marrë lëndime të tjera trupore. Makina është konfiskuar, ndërsa shoferi është privuar nga liria nga ekipet e SPB Tetovë, të cilat kanë kryer këqyrjen e vendit të ngjarjes dhe paralajmërojnë kallëzim përkatës pas dokumentimit të plotë të rastit.
