IPK rekomandon suspendimin e dy policëve në Gjilan për keqpërdorim
Inspektorati Policor i Kosovës ka rekomanduar suspendimin e dy zyrtarëve policorë në Gjilan nën dyshimin për veprën penale të keqpërdorimit të pozitës zyrtare.
Redaksia ZHURMA · · 1 min lexim
GJILAN — Inspektorati Policor i Kosovës ka rekomanduar suspendimin e dy zyrtarëve policorë të Stacionit Policor në Gjilan, nën dyshimin për kryerjen e veprës penale të keqpërdorimit të pozitës apo autoritetit zyrtar. Sipas të dhënave fillestare, ngjarja ka ndodhur më 15 tetor 2026, rreth orës 23:00, kur zyrtarët policorë dyshohet se kanë ndaluar një qytetar dhe e kanë futur në veturën zyrtare.
Gjatë këtij rasti, ndaj qytetarit pretendohet se është ushtruar abuzim verbal dhe i është cenuar privatësia, përfshirë marrjen e telefonit të tij pa urdhër të Prokurorit të Shtetit. Dyshimet fillestare sugjerojnë se këto veprime mund të kenë lidhje me një ankesë që i njëjti qytetar kishte parashtruar në korrik të vitit 2026 ndaj të njëjtëve zyrtarë për keqtrajtim dhe tejkalim të autorizimeve.
