Mislav Karoglan debuton si trajner i Partizanit kundër Vorës

Mislav Karoglan do të debutojë si trajner i Partizanit pikërisht në ndeshjen kundër Vorës. Sfida e së dielës do të zhvillohet pa u lejuar tifozët, çka e bën këtë një debutim të pazakontë për trajnerin e ri. Vora u pezullua me dy ndeshje pa tifozë në shtëpi pas ndeshjes me Skënderbeun, dhe kjo është përballja e parë nga ky dënim.

Karoglan është besuar për të nxjerrë Partizanin nga kriza aktuale. Ekipi i kuq numëron vetëm 4 pikë të grumbulluara pas gjashtë javësh, njësoj si në fillimin e sezonit të kaluar, dhe aktualisht mban vendin e parafundit në renditje. Mislav Karoglan pason në këtë detyrë trajnerin Florin Bratu, ndërsa gjatë kësaj kohe me ekipin ka punuar edhe Alfred Deliallisi.