Konjufca: Rreziku i një lufte të re nga Serbia duhet marrë seriozisht
Ministri i Punëve të Jashtme dhe Diasporës ka paralajmëruar se ambiciet e Serbisë kërcënojnë sovranitetin e Kosovës dhe stabilitetin rajonal.
Redaksia ZHURMA · · 1 min lexim
Gjatë një interviste për një portal të huaj, kryediplomati kosovar ka theksuar se orientimi euroatlantik dhe paqja mbeten synime kryesore, ndërsa pretendimet territoriale serbe përbëjnë shqetësim të vazhdueshëm për rajonin.
Sipas tij, shteti ynë nuk ka pretendime ndaj fqinjëve, kurse Serbia e sheh vendin tonë si pjesë të territorit të vet, çka e bën të domosdoshme marrjen me seriozitet të çdo rreziku për konflikt të armatosur.
Ai ka vënë në dukje se prania e shtuar ushtarake serbe afër kufirit dhe ngjarjet e kaluara në veri kërkojnë gatishmëri të lartë institucionale, mbështetje nga aleatët amerikanë dhe prani më të madhe të NATO-s.
