Pse Mbappe nuk mendon për Haalandin dhe kë vë mbi të gjithë?
Kapiteni i Francës fokusohet te Iraku, quan Messin dhe Ronaldon më të mirët në histori, dhe refuzon të spekulojë për rivalitetin me norvegjezin.
NJU JORK — Kylian Mbappe nuk po humbet kohë me Erling Haalandin. I pyetur për një përballje të mundshme me norvegjezin në fazat e mëvonshme të Kupës së Botës 2026, kapiteni i Francës u përgjigj prerë: "Për momentin nuk po mendoj për Haalandin. Ndoshta ata po mendojnë për ne, por unë po mendoj për Irakun."
Mbappe nuk ngurroi as në debatin e madh të futbollit: "Messi është lojtari më i mirë, së bashku me Cristiano Ronaldon, kjo është e qartë." Pyetur për rekorde dhe karrierë afatgjatë, u përgjigj me humor: "Nuk do të jem këtu në moshën 40-vjeçare, do të më kenë larguar shumë më herët. Nuk bëj plane afatgjata."
Formën e Lionel Messit, Mbappe e priste. "E dija që Leo do të shënonte, ai gjithmonë shënon. Unë jam duke e ndjekur nga pas," tha sulmuesi francez, duke pranuar se argjentinasi mbetet standardi. Franca synon tjetër Kupë Bote — Mbappe, ndërkohë, ka vetëm një fokus: Iraku, pastaj hapi tjetër.
Burim: Telegrafi
— Redaksia ZHURMA