Inter Miami bisedon për miqësoren me River Plate

Lionel Messi mund të kthehet në Argjentinë gjatë muajit janar me fanellën e Inter Miami, ndërsa klubi amerikan po shqyrton mundësinë e një ndeshjeje miqësore kundër River Plate. Bisedimet mes dy klubeve kanë avancuar ndjeshëm si pjesë e përgatitjeve për sezonin e ri, por deri më tani nuk ka asnjë njoftim zyrtar që konfirmon takimin. Një zhvillim i tillë do të zgjonte interes te tifozët argjentinas për ta parë sërish në vendlindje, pas deklaratës së tij të bërë në gusht për mbylljen e aventurës me kombëtaren e Argjentinës.