Georgievski: ZNAM bën luftë për gjuhën në provimin e jurisprudencës
Ish-kryeministri i Maqedonisë së Veriut akuzon partinë ZNAM për mungesë idesh politike dhe nxitje të problemit ndëretnik rreth provimit të jurisprudencës.
Redaksia ZHURMA · · 1 min lexim
KUMANOVË — Ish-kryeministri i Maqedonisë së Veriut, Ljupço Georgievski, ka kritikuar ashpër partinë ZNAM përmes një reagimi në rrjetin social Facebook, duke e akuzuar për mungesë të ideve politike dhe për shndërrimin e çështjes së gjuhës në një problem ndëretnik. Sipas tij, kjo parti ka muaj që përsërit të njëjtën temë se do ta mbrojë deri në fund gjuhën maqedonase në provimin e jurisprudencës, ndërsa në qytetin e Kumanovës nuk dëgjohet asnjë këngë maqedonase.
Në reagimin e tij, Georgievski thekson se problemi thelbësor qëndron te mungesa e plotë e ideve politike dhe te hapja e qëllimshme e një çështjeje të vogël për ta mbajtur gjallë si problem të madh në një shoqëri multietnike. Këto deklarata vijnë në kohën kur çështja e përdorimit të gjuhës shqipe në provimin e jurisprudencës ka nxitur debate të gjera politike në vend.
