Kuvendi miraton ndryshimet për dhurimin e organeve në Maqedoni

— Kuvendi i Maqedonisë së Veriut miratoi ndryshimet në Ligjin për marrjen dhe transplantimin e pjesëve të trupit të njeriut për qëllime shërimi. Me 58 vota “pro” dhe 6 “kundër”, ligji i ri ulet bazën e dhurimit të organeve tek vullneti personal i qytetarëve madhorë.

Çdo qytetar tani mund të deklarohet personalisht si dhurues organesh përmes mjekut të tij amë. Regjistrimi do të bëhet përmes një moduli digjital në sistemin “Termini im”, ku vendimi mund të ndryshohet ose të tërhiqet në çdo moment nga vetë qytetari.

Ministri i Shëndetësisë, Azir Aliu, deklaroi se ky proces nuk është thjesht një procedurë mjekësore, por një çështje solidariteti njerëzor. Aliu theksoi se sistemi po ndërtohet mbi dinjitetin e njeriut dhe respektimin e vullnetit, duke paralajmëruar se do të jetë i pari që regjistrohet si dhurues.

Ligji zgjeron gjithashtu rrethit të dhuruesve të gjallë deri në shkallën e katërt të farefisnisë. Për të parandaluar keqpërdorimet apo tregtinë me organe, çdo rast do të vlerësohet nga një Komision Etik, i cili duhet të konfirmojë që vendimi është plotësisht vullnetar.

Sistemi digjital do t'i lejojë autoriteteve të shohin interesimin e qytetarëve dhe zonat ku nevojitet edukim shtesë për të ndërtuar besim. Kjo kornizë juridike dhe teknike siguron që vendimi përfundimtar mbetet ekskluzivisht në dorën e vetë qytetarit.

Burim: Gazeta Express
— Redaksia ZHURMA