LVV: Ata që votuan Gjykatën Speciale t'i kërkojnë falje Kosovës

Lëvizja Vetëvendosje ka shprehur mbështetje për „Marshin për Liri“, i cili do të mbahet në Prishtinë, duke kërkuar që ata që votuan për krijimin e Gjykatës Speciale t'i kërkojnë falje popullit të Kosovës dhe mbarë kombit shqiptar.

Në një deklaratë të publikuar, kjo lëvizje ka vlerësuar se themelimi i Gjykatës Speciale nga Kuvendi i Kosovës ishte dëmi më i madh i bërë historisë së luftës çlirimtare dhe themeleve të shtetit, ndërsa më parë ngjarje të ngjashme ishin përcjellë përmes mbështetjes publike nga figura të ndryshme shoqërore.