Senatorët amerikanë flasin për Gjykatën Speciale dhe Apelin

Senatorët amerikanë Jeanne Shaheen dhe Dick Durbin, gjatë një vizite në Kosovë, u pyetën për zhvillimet rreth Gjykatës Speciale, pas miratimit të një ligji lidhur me Dhomat e Specializuara nga parlamenti. Të dy senatorët u shprehën të kujdesshëm në deklarimet e tyre dhe thanë se duhet parë se si do të vazhdojë ky proces.

Senatorja Shaheen deklaroi se shpreson që ankesa në Apel ndaj dënimit të ish-krerëve të UÇK-së të çojë në një rezultat që qytetarët e Kosovës mund ta kuptojnë. Ajo shtoi se Dhomat e Specializuara janë një institucion i krijuar dhe i mbështetur nga Kosova përmes parlamentit të saj, ndërsa theksoi se nuk mund të komentojë mbi ndryshimet që po shqyrton parlamenti.

Me deklarimin e senatores u pajtua edhe senatori Durbin, i cili theksoi se duhet të jenë të kujdesshëm kur komentojnë çështje që janë në shqyrtim nga gjykatat. Ai shprehu gjithashtu shpresën që kjo çështje të zgjidhet në përputhje me juridiksionin e përcaktuar me ligj dhe në mënyrë paqësore në të gjitha nivelet.