Kryeqyteti rrit tarifat për parkim, një orë në zonën e parë kushton 1.40 euro
Kuvendi Komunal i Prishtinës miratoi ndryshimet në Rregulloren për parkingje, duke shtrenjtuar çmimet dhe përfshirë kërkesat e Gjykatës Supreme.
Redaksia ZHURMA · · 2 min lexim
PRISHTINË — Kuvendi Komunal i Prishtinës ka rritur tarifat e parkingjeve publike pas një mbledhjeje të jashtëzakonshme, ku u miratuan ndryshimet në Rregulloren për organizimin dhe shfrytëzimin e tyre. Sipas vendimit, në zonën e parë të kryeqytetit parkimi u bë 1 euro e 40 centë për orë nga 1 euro sa ishte më parë, ndërsa në zonën e dytë tarifa u bë 0.70 euro nga 0.50 euro, kurse në zonën e tretë çmimi mbetet 0.40 euro për orë. Ndryshimet përfshijnë edhe harmonizimin e rregullores me aktvendimin e Gjykatës Supreme.
Retkoceri thotë se «pas aktvendimit të Gjykatës Supreme, kemi adresuar vërejtje përkatëse duke e harmonizuar rregulloren me ligjin në fuqi, ndërsa në qendër të kësaj rregulloreje është qytetari». Supremja kishte konstatuar se ndërmarrja «Prishtina Parking» nuk mund të vendosë bllokada në vetura dhe kishte kërkuar mundësimin e pagesës me para të gatshme ose automat parkingu, si dhe kishte shfuqizuar kufizimet për vizitorët në zonat rezidenciale dhe kishte kërkuar marrjen e përgjegjësisë për dëmtimet e automjeteve.
Kelmendi thotë se «Prishtina duhet të lirohet nga laurat, hapësirat duhet të jenë të hapura dhe të qasshme për të gjithë, ndërsa jo vetëm që nuk i larguat laurat e vjetra, por po shtoni edhe të reja».
Makolli thotë se «performanca e të hyrave 8 milionë e 700 mijë, ndërsa ka një rënie prej 27 për qind në krahasim me të hyrat e periudhës së njëjtë të vitit të kaluar, kurse në këtë tremujor janë shpenzuar mbi 34 milionë apo 22.4 për qind e buxhetit të planifikuar për vitin 2026».
