Pse KQZ lejoi votën e diasporës me dokumente të skaduara?
Komisioni Qendror i Zgjedhjeve zbut kushtet për votuesit jashtë vendit, pas problemeve të shënuara në zgjedhjet e mëparshme.
PRISHTINË — Votuesit e regjistruar jashtë Kosovës do të mund të votojnë me dokumente identifikimi të Republikës së Kosovës edhe nëse kanë afat të skaduar. KQZ mori këtë vendim në mbledhjen elektronike të 3 qershorit 2026, pas evidentimit të rasteve në zgjedhjet për Kuvend të 8 shkurtit dhe 27 dhjetorit 2025, kur disa votues u paraqitën me dokumente të skaduara.
Komisioni miratoi gjithashtu procedurën standard të veprimit për Qendrën e Numërimit dhe Rezultateve (QNR), e cila rregullon organizimin, funksionimin dhe përgjegjësitë gjatë administrimit të materialeve zgjedhore dhe numërimit të votave. Procedura përfshin transparencën, praninë e vëzhguesve të akredituar, trajtimin e ankesave dhe masat disiplinore.
Zgjedhjet e parakohshme parlamentare do të mbahen më 7 qershor 2026.
Burim: Telegrafi
— Redaksia ZHURMA