Kosova zgjeron dhuruesit e organeve deri te kushërinjtë e parë
Pse ndryshon ligji i transplantimit dhe çfarë do të thotë regjistrimi në "Termini im"?
PRISHTINË — Qeveria miratoi sot Projektligjin për ndryshimin e Ligjit për marrjen dhe transplantimin e pjesëve të trupit të njeriut, me propozim të Ministrisë së Shëndetësisë. Ndryshimet synojnë një sistem më të qartë të dhurimit të organeve dhe indeve.
Çdo qytetar madhor, gjatë vizitës te mjeku amë, do të japë deklaratë për pajtimin ose mos-pajtimin për dhurim pas vdekjes. Kjo do të regjistrohet në sistemin kombëtar "Termini im". Qytetari mund ta ndryshojë vendimin në çdo kohë.
Për herë të parë, shteti do të ketë pasqyrë të saktë mbi gatishmërinë dhe besimin e qytetarëve ndaj dhurimit. Rrethi i dhuruesve të gjallë zgjerohet nga të afërmit kryesorë edhe te të afërm të tjerë në vijë anësore deri në shkallën e katërt — përfshirë kushërinjtë e parë. Komisioni etik mbetet mbrojtësi i vullnetarizmit.
Ligji thjeshton gjithashtu procedurat për përcaktimin e vdekjes së trurit. "Akti i dhurimit do të buronte nga një vendim i lirë dhe i informuar", thotë ministri Azir Aliu. Zgjerimi i dhuruesve të gjallë krijon mundësi të reja trajtimi, brenda kornizave mjekësore, etike dhe ligjore.
Burim: Gazeta Express
— Redaksia ZHURMA