Koci: Lirimi i Thaçit i mundshëm, por procesi s’mbyllet me aktgjykim

Avokati Arianit Koci ka reaguar në Facebook për ish-presidentin Hashim Thaçi, duke shprehur bindjen se ai do të lirohet. Megjithatë, Koci thekson se edhe nëse aktgjykimi i shkallës së parë është lirues, procesi gjyqësor mund të mos përfundojë aty, pasi prokuroria ka të drejtë ankese.

“Besoj se Hashim Thaçi do të lirohet. Por, edhe një aktgjykim lirues në shkallë të parë nuk e përfundon domosdoshmërisht procesin. Prokuroria ka të drejtë ankese dhe çështja mund të vazhdojë edhe më tej”, ka shkruar Koci.

Ai e konsideron të parakohshme diskutimin për rikthimin e Thaçit në postin e presidentit, duke shtuar se një debat i tillë në këtë fazë mund të jetë i dëmshëm edhe për vetë Thaçin. “Prandaj, me e hapë sot temën e tij për President më duket e parakohshme. Madje, në këtë moment, mundet me qenë e dëmshme edhe për vet Thaçin”, ka deklaruar avokati.

Burimet: Veriu.info; Gazeta Blic; IndeksOnline (klaster 3 outlets).