Si ndodhi aksidenti me katër të vdekur në qarkoren e Shkupit?
Pamjet e para tregojnë shkallën e shkatërrimit pas përplasjes së një BMW me një kamion me targa të Kosovës.
Redaksia ZHURMA · · Përditësuar · 1 min lexim
SHKUP — Katër persona kanë humbur jetën në një aksident të rëndë në qarkoren e Shkupit. Pamjet e publikuara tregojnë përplasjen e fuqishme mes një veture të tipit BMW dhe një kamioni me targa të Kosovës.
Sipas informacioneve të deritanishme, përplasja ka qenë tepër e fortë, duke bërë që automjeti BMW të përfshihet menjëherë nga flakët. Katër personat që ndodheshin brenda veturës nuk kanë arritur të shpëtojnë, ndërsa makina është shkrumbuar pothuajse tërësisht.
Burim: Telegrafi
— Redaksia ZHURMA
