Kastriot Tusha e Ardian Trebicka sjellin koncert në Ulqin
Repertori përfshin 20 këngë; spektakli nis në orën 21:00 në Tregun e Suvenireve, organizuar nga CEKUM.
ULQIN — Këngëtarët Kastriot Tusha dhe Ardian Trebicka do të performojnë më 30 korrik 2026 në Tregun e Suvenireve, në një mbrëmje muzikore e titulluar "Këngët e Gjeneratave". Dy nga emrat më të njohur të muzikës shqiptare do t'i dhurojnë publikut ulqinak e vizitorëve një natë me meloditë më të bukura shqiptare ndër vite.
Koncerti organizohet nga Qendra për Ruajtjen dhe Zhvillimin e Kulturës së Pakicave të Malit të Zi (CEKUM) dhe fillon në orën 21:00. Repertori i mbrëmjes "Këngët e Gjeneratave" përmban 20 këngë, nga melodi tradicionale shqiptare deri te interpretime të njohura ndërkombëtare.
Në listë përfshihen këngë si "Ç'po dremit liqeni kalter", "Një flutur", "Dhe deti na ka zili" dhe "La vie en rose", krahas titujve ndërkombëtarë si "Il Mondo", "La paloma" dhe "Quizas Quizas Quizas".
Burim: Ulcinj info
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.