Kamberi: Aktgjykimi i Speciales, faktor në konstituimin e institucioneve
Sipas analistit Belgzim Kamberi, vendimi i Gjykatës Speciale më 16 shtator mund të riformësojë skenën politike dhe të ndikojë në konstituimin e institucioneve.
Redaksia ZHURMA · · Përditësuar · 1 min lexim
Analisti politik Belgzim Kamberi ka deklaruar se data 16 shtator, kur pritet shpallja e aktgjykimit ndaj ish-krerëve të Ushtrisë Çlirimtare të Kosovës në Hagë, ka rëndësi të veçantë për skenën politike në Kosovë. Sipas tij, vendimi i Gjykatës Speciale mund të sjellë riformësim të kësaj skene, sidomos nëse aktgjykimi është lirues.
Kamberi vlerëson se vendimi nuk është i parëndësishëm as për VV-në, duke pasur parasysh mundësinë e kthimit të Thaçit në Kosovë apo Veselit. Ai thekson se PDK-ja dhe LDK-ja janë në pritje të vendimit të Gjykatës, ndërsa data 16 shtator mund të bëhet pjesë e zhvillimeve që lidhen me konstituimin e institucioneve.
“16 shtatori është jashtëzakonisht i rëndësishëm në ridefinimin e skenës politike në Kosovë”, ka thënë Kamberi, duke shtuar se kjo datë është pjesë e ekuacionit të konstituimit të institucioneve.
