Kallas: Gati për takim trepalësh, por Kosova s’kishte qeveri dhe Serbia po pret një të…

Përfaqësuesja e Lartë e Bashkimit Europian, Kaja Kallas, ka deklaruar se mungesa e një qeverie funksionale në Kosovë gjatë një viti ka penguar mbajtjen e një takimi trepalësh mes Kosovës, Serbisë dhe bllokut europian. Gjatë një konference për media në Bruksel, ajo theksoi se institucionet e pakonsoliduara në Kosovë kanë ndikuar në këtë bllokadë, ngjashëm me atë që kishte përmendur Komisionerja për Zgjerim, Marta Kos, lidhur me zbatimin e reformave.

Kallas shtoi se procesi aktualisht po pret edhe formimin e Qeverisë së re në Serbi, pas zgjedhjeve që lanë Aleksandar Vuçiqin në opozitë. Ajo theksoi se ka marrë premtime nga udhëheqësit e dy palëve për t'u ulur së bashku dhe se përfaqësuesi i posaçëm i BE-së për dialogun Beograd–Prishtinë ka punuar intensivisht për përgatitjet.

Prej se Kallas ka marrë drejtimin e diplomacisë europiane, nuk është zhvilluar asnjë takim i nivelit të lartë mes dy vendeve. Normalizimi i marrëdhënieve mbetet çelës për vazhdimin e rrugës së Kosovës dhe Serbisë drejt anëtarësimit në Bashkimin Europian.