Çfarë sqaroi ministrja Janevska për bursat dhe konviktet studentore?
Ministrja e Arsimit mohon uljen e bursave sociale dhe njofton rindërtimin e konvikteve studentore këtë verë.
SHKUP — Ministrja e Arsimit dhe Shkencës, Vesna Janevska, ka mohuar pretendimet për ulje të numrit të bursave studentore, duke theksuar se në pesë vitet e fundit kuota për bursat sociale nuk është përmbushur dhe disa fonde kanë mbetur të papërdorura.
Janevska gjithashtu e ka hedhur poshtë mundësinë e rritjes së tarifës së akomodimit në konviktet studentore, duke sqaruar se kjo nuk është parashikuar në ndryshimet ligjore. Ajo njoftoi një zgjidhje të re me të cilën shteti do të marrë përsipër pagat e punonjësve në konvikte, me qëllim uljen e barrës financiare mbi studentët.
Për më tepër, ministrja premtoi se këtë verë do të fillojë rindërtimi i të gjitha konvikteve studentore në vend.
Burim: Telegrafi
— Redaksia ZHURMA