Inspektorati Qendror i Punës ndalon punimet në dy kantiere në Drenas dhe Gjakovë

GJAKOVË — Inspektorati Qendror i Punës ka urdhëruar ndërprerjen e menjëhershme të punimeve në dy kantiere ndërtimi, një në Drenas dhe një në Gjakovë. Pas inspektimeve u konstatuan shkelje të rënda të dispozitave ligjore për sigurinë dhe shëndetin në punë, të cilat paraqesin rrezik serioz për jetën e punëtorëve. Subjektet e inspektuara janë të detyruara të eliminojnë të gjitha parregullsitë dhe të përmbushin kërkesat ligjore para se punimet të rifillohen, pas verifikimit të inspektorëve. Inspektorati ka njoftuar që kontrollat do të vazhdojnë në të gjithë Kosovën dhe do të zbatohen masa ligjore ndaj subjekteve që nuk respektojnë rregullat e sigurisë në punë.