Imeri Stafai: Provimi i jurisprudencës tashmë mund të jepet në shqip

Deputetja e VLEN-it, Saranda Imeri Stafai, e ftuar në një emision televiziv, ka diskutuar rreth ndryshimeve në procesin e provimit të jurisprudencës për studentët shqiptarë të drejtësisë. Ajo theksoi se dikur ky provim zhvillohej plotësisht në gjuhën maqedonase, ndërsa tani është krijuar mundësia që të jepet edhe në gjuhën shqipe, duke e cilësuar këtë si një zhvillim të rëndësishëm.

Gjatë paraqitjes së saj, ajo sqaroi se për dy provimet që do të mbeten në gjuhën maqedonase do të angazhohen përkthyes të kualifikuar për t'i ndihmuar studentët gjatë gjithë procesit. «Është e arritur që nga 100% provimin në maqedonisht ta bëjmë në shqip. Për dy provimet të cilat do të jepen në gjuhën maqedonase do të ketë përkthyes të kualifikuar të cilët do t’ju ndihmojë studentëve», ka deklaruar ajo.

Siç raportoi Zhurma më 15 tetor 2026, deputetja Imeri Stafai ka qenë më parë në qendër të vëmendjes edhe për deklarata të tjera lidhur me qëndrimet e subjektit të saj politik.