IKShPK jep alarmin për stuhitë — 30 minuta pritje pas bubullimës së fundit

PRISHTINË — Instituti Kombëtar i Shëndetësisë Publike i Kosovës (IKShPK) u ka bërë thirrje qytetarëve të tregojnë kujdes të shtuar gjatë stuhive me bubullima dhe rrufe, duke respektuar masat mbrojtëse për të shmangur rrezikun nga goditjet e rrufesë. Apeli vjen pas paralajmërimeve për mot të paqëndrueshëm në vend.

Sipas IKShPK-së, sapo të dëgjohet bubullima, qytetarët duhet të hyjnë menjëherë në një ndërtesë të mbyllur ose në një automjet dhe të shmangin qëndrimin në fusha të hapura, kodra, plazhe apo hapësira sportive. Instituti rekomandon gjithashtu: Të mos qëndrohet nën pemë, pranë shtyllave elektrike apo objekteve të larta.

Të largohet menjëherë nga uji, përfshirë pishinat, liqenet, lumenjtë dhe detin. Të mos përdoren pajisje elektrike të lidhura në prizë gjatë stuhisë. Të qëndrohet larg dritareve, dyerve dhe verandave. Të priten të paktën 30 minuta pas bubullimës së fundit para se të dilet sërish jashtë.

IKShPK thekson se mbrojtja nga stuhitë dhe rrufetë fillon me kujdesin e secilit qytetar dhe respektimin e këtyre rekomandimeve mund të shpëtojë jetë.

Edhe Lajmi.net dhe Telegrafi kanë raportuar rekomandimet e IKSHPK-së për qytetarët pas paralajmërimit për stuhi me rrufe.

Burim: Gazeta Dukagjini, Lajmi.net, Telegrafi

— Redaksia ZHURMA