Identifikohen 11 lidhje të paautorizuara në rrjetin e ujësjellësit
Kompania Rajonale e Ujësjellësit “Hidroregjioni Jugor” ka evidentuar 11 lidhje të paautorizuara gjatë kësaj jave në Prizren, Suharekë dhe Malishevë.
Redaksia ZHURMA · · 1 min lexim
SUHAREKË — Kompania Rajonale e Ujësjellësit “Hidroregjioni Jugor” ka njoftuar se gjatë kësaj jave janë evidentuar 11 lidhje të paautorizuara në rrjetin e ujësjellësit. Sipas njoftimit të kompanisë, gjashtë raste janë identifikuar në Suharekë, tri në Prizren dhe dy në Malishevë.
Pas këtyre gjetjeve, kompania u ka bërë thirrje konsumatorëve që të respektojnë ligjin dhe të mos ndërhyjnë në infrastrukturën e ujësjellësit pa autorizimin përkatës. «Kompania apelon te të gjithë konsumatorët që të respektojnë ligjin dhe të mos bëjnë ndërhyrje të paautorizuara në rrjetin e ujësjellësit», thotë KRU “Hidroregjioni Jugor”.
