I mituri plagoset me armë zjarri në Bogovinë të Tetovës

Qendra Klinike në Tetovë ka pranuar për trajtim një 15-vjeçar nga fshati Bogovinë, i cili kishte marrë plagë nga arma e zjarrit në zonën e barkut. Ngjarja është njoftuar fillimisht në SPB Tetovë, ndërkohë që hetimet në terren janë zhvilluar në prani të përfaqësuesve nga Qendra për Punë Sociale dhe një prokurori publik nga Prokuroria Themelore Publike e Tetovës.

Në stacionin policor janë paraqitur më pas një burrë dhe djali i tij 16-vjeçar, të cilët dorëzuan një armë zjarri pistoletë me karikator të zbrazët. Sipas deklaratës së dhënë nga babai, arma është shkrepur pa dashje nga i mituri. I dyshuari është ndaluar nga autoritetet për veprime të mëtejshme procedurale, ndërsa po kryhen verifikimet për zbardhjen e plotë të rrethanave dhe përgatitjen e kallëzimit përkatës.