Katër të arrestuar në Gostivar për gërmime ilegale në kërkim të arit
Policia ka ndaluar katër persona në fshatin Kalishtë të Gostivarit, të cilët u kapën duke gërmuar për ar në vendin «Guri Sokoleci».
Redaksia ZHURMA · · 1 min lexim
GOSTIVAR — Katër persona janë ndaluar nga zyrtarët policorë të Stacionit Policor të Gallatës, pasi janë kapur në flagrancë duke kryer gërmime të paligjshme me qëllim gjetjen e arit. Ngjarja ka ndodhur më 23 tetor 2026, rreth orës 20:20, në vendin e quajtur «Guri Sokoleci» në fshatin Kalishtë të Gostivarit, njoftoi Ministria e Punëve të Brendshme.
Të ndaluar janë përfshirë N.S. (63) nga Xhepçishti, M.D. (55) nga Çellopeku, si dhe Z.M. (72) dhe N.K. (78) nga Vrapçishti. Gjatë kontrollit në terren, autoritetet policore u kanë sekuestruar një detektor metalesh, lopata, kazma dhe mjete të tjera që dyshohet se janë përdorur për këto aktivitete.
Të katër personat dyshohen për kryerjen e veprës penale «dëmtim ose shkatërrim i të mirave nën mbrojtje të përkohshme ose i rrallësive natyrore», sipas nenit 264 të Kodit Penal. Ata janë mbajtur në stacionin policor, ndërsa pas dokumentimit të plotë të rastit ndaj tyre do të ngrihet kallëzimi përkatës.
