Humb jetën trajneri i basketbollit në aksident në rrugën Ohër–Kërçovë
33-vjeçari Antonio Saveski nga Ohri humbi jetën pasi automjeti i tij u përplas me qen endacakë dhe u përfshi nga flakët.
Redaksia ZHURMA · · Përditësuar · 1 min lexim
OHËR — Një person ka humbur jetën në një aksident të rëndë trafiku mbrëmë në rrugën magjistrale Ohër–Kërçovë. Automjeti i tipit “Hyundai Getz” me targa të Ohrit u përplas me një tufë qensh endacakë, më pas goditi mbrojtëset metalike anës rrugës dhe u përfshi nga zjarri.
Aksidenti u raportua në SPB Ohër në orën 23:30. Njësia Territoriale Kundër Zjarrit në Ohër e lokalizoi dhe e shuajti zjarrin. Brenda automjetit të djegur u gjet trupi i pajetë i shoferit, i identifikuar si Antonio Saveski, 33 vjeç, trajner basketbolli nga Ohri.
Me urdhër të prokurorit publik, trupi u dërgua në Mjekësinë Ligjore për obduksion dhe përcaktim të identitetit. Në vendngjarje kryen ekspertizë prokurori publik dhe një ekip i SPB Ohër. Gjatë ekspertizës, trafiku në rrugën magjistrale u devijua përmes rrugës rajonale Ohër–Strugë.
