Hoti: Kabineti i Kurtit kryen trajnime për të mashtruar publikun
Ish-kryeministri Avdullah Hoti ka kritikuar projektet e Qeverisë Kurti gjatë një paraqitje televizive.
Redaksia ZHURMA · · Përditësuar · 1 min lexim
Ish-kryeministri Avdullah Hoti ka kritikuar projektet e premtuara nga Qeveria Kurti gjatë një diskutimi në emisionin televiziv «Euro n’7» në T7. Deputeti i Lidhjes Demokratike të Kosovës u shpreh se ka përshtypjen që të gjithë anëtarët e kabinetit të kryeministrit Albin Kurti janë të trajnuar për këtë qëllim.
«Kam përshtypjen që krejt këta në kabinet e kryejnë ndonjë trajnim për të mashtruar publikun, se s’ka ndryshe si me e thënë», deklaroi Hoti. Ai shtoi se në muajin janar fillon viti i shtatë i qeverisjes, duke theksuar se edhe nën supozimin që projektet e mëparshme nuk janë realizuar si duhet, ato është dashur të rishikoheshin dhe të nisnin nga fillimi, siç është rasti i projektimit të një autostrade.