Pse u konfirmuan helmimi i 74 personave në SachPizza?

Instituti Kombëtar i Shëndetësisë Publike të Kosovës, në bashkëpunim me Qendrën Rajonale të Shëndetësisë Publike në Prishtinë, identifikoi deri të martën gjithsej 74 persona të prekur nga një shpërthim që lidhet epidemiologjikisht me konsumimin e ushqimit në disa pika të rrjetit SachPizza në kryeqytet, përcjell Gazeta Metro.

Sipas të dhënave zyrtare, 29 prej tyre kanë pasur nevojë për trajtim spitalor, ndërsa 45 të tjerë janë trajtuar në kushte ambulatore. Ministria e Shëndetësisë bëri të ditur për Klankosova.tv se analizat laboratorike të kryera te pacientët kanë konfirmuar praninë e bakterit Salmonella Enteritidis.

Mostrat e ushqimit dhe ato nga ambientet ku është kryer inspektimi nuk kanë rezultuar pozitive. “Pacientët kanë shfaqur barkqitje, të vjellura, ethe, temperaturë dhe plogështi. Në mostrat e pacientëve është konfirmuar bakterien Salmonella Enteritidis.

Lakorja epidemiologjike tregoi një rritje të shpejtë me kulmim më 10 korrik dhe rënie të menjëhershme pastaj, gjë që konfirmon një shpërthim nga një burim i përbashkët me ekspozim të kufizuar në kohë.” Mungesa e Salmonellës në mostra në momentin e kontrollit nuk e përjashton mundësinë që burimi i infeksionit të ketë qenë ushqimi i kontaminuar më herët.

Burim: Gazeta Metro, https://gazetametro.net/helmimi-i-74-personave-ne-sachpizza-msh-konfirmohet-salmonella-sperjashton-edhe-ushqimi-i-kontaminuar/
— Redaksia ZHURMA