Gruevski shpallet i pafajshëm në rastin “Talir 2”
Çfarë ndikoi ndryshimet e Kodit Penal 2023 në këtë vendim?
SHKUP — Gjykata Themelore Penale në Shkup ka liruar nga akuzat ish‑kryeministrin Nikolla Gruevski në rastin “Talir 2”, i cili lidhej me tejkalim të kompetencave zyrtare dhe financim të kundërligjshëm të ndërtimit të selisë së VMRO‑DPMNE‑se.
Gjyqtarja Daniela Aleksovska theksoi se, për shkak të ndryshimeve në Kodin Penal të vitit 2023, aktakuza u ndryshua, por provat dhe faktet e konstatuara mbeten të pandryshuara. Prokuroria, sipas saj, nuk arriti të provojë pa dyshim të arsyeshëm tejkalimin e kompetencave.
Vendimi, përveç lirimit, urdhëroi që shpenzimet e procedurës të mbulohen nga buxheti i shtetit dhe hodhi poshtë kërkesën e Prokurorisë për konfiskimin e selisë partisë. Në seancë morën pjesë avokatët e caktuar sipas detyrës për Gruevskinë dhe përfaqësuesit ligjorë të VMRO‑DPMNE‑se.
Aktgjykimi nuk është i përfunduar; kundër tij lejohet ankesë në Gjykatën më të lartë. Rasti “Talir 2” është rihapur pas vendimit të Gjykatës së Apelit në janar 2024, pasi vendimi i parë i vitit 2022 e kishte dënuar Gruevskinë me gjashtë vjet burg, por procesi është kthehet për rigjykim.
Burim: Gazeta Express
— Redaksia ZHURMA