Si po i mashtron një grua shitësit në Mitrovicë?
Çfarë teknikë përdor për të trullosur punonjësit e dyqaneve?
MITROVICË — Një rast i pazakontë raportohet se po ndodh tash e sa ditë në Mitrovicë, ku bizneset dyshohet se janë në hall nga një grua që po i mashtron shitësit duke iu shkaktuar dëme prej qindra eurosh.
Detajet i ka dhënë gazetari korrespodent i “Ora Shtatë”, Urall Boshnjaku, transmeton Klan Kosova.
“Nuk e di a t’i referohem si hajdute apo mashtruese”, tha Boshnjaku. Gruaja futet në biznese, blen një produkt për 2.50 euro, ia jep punëtorit 100 euro dhe 0.50 euro për ta balancuar. Ajo i mban paratë para çantës, duke hutuar shitësin me muhabet “jashtëzakonisht profesional”. Në ndërkohë, fut 100 eurot në çantë, e trullos shitësin, dhe merr edhe 98 euro të tjera kthim.
Metoda e dyshuar: pagesa me 100 euro, balancim me 0.50 euro, pastaj kthimi i 98 eurove shtesë nga shitësi i hutuar. Dëmi vlerësohet në qindra euro për bizneset e qytetit.
Burim: Klan Kosova
— Redaksia ZHURMA