Grabovci: Nuk jam penduar për asgjë, përveç votës për Specialen
Adem Grabovci ka reaguar pas vendimit të Dhomave të Specializuara në Hagë ndaj katër ish-krerëve të UÇK-së.
Redaksia ZHURMA · · Përditësuar · 1 min lexim
Ish-deputeti i Kuvendit të Kosovës, Adem Grabovci, ka deklaruar se nuk është penduar për asgjë tjetër në jetë, përveç votës që kishte dhënë për themelimin e Gjykatës Speciale.
Reagimi i tij vjen pasi Dhomat e Specializuara në Hagë dhanë aktgjykimin e shkallës së parë, duke shqiptuar gjithsej 81 vjet burgim ndaj katër ish-krerëve të Ushtrisë Çlirimtare të Kosovës: Hashim Thaçit, Jakup Krasniqit, Kadri Veselit dhe Rexhep Selimit. Hashim Thaçi u dënua me 25 vjet burgim, Jakup Krasniqi po ashtu me 25 vjet, Kadri Veseli me 18 vjet, ndërsa Rexhep Selimi me 13 vjet burgim.
Grabovci u shpreh se në kohën kur votoi pro Gjykatës kishte pasur besim të plotë te partnerët ndërkombëtarë dhe te pastërtia e luftës çlirimtare, ndërsa shtoi se akuzat e bazuara në raportin e Dick Marty-t ishin të paimagjinueshme.
