Epidemia në Gostivar bie në trend të rënies — 80 raste, 24‑7, sipas Ministrit Klekovski
649 raste në 18 ditë, ndërsa 80 janë paraqitur vetëm në një ditë
GOSTIVAR — Përmes kësaj grafike me të dhënat ditore për pacientët që kanë kërkuar ndihmë mjekësore në Spitalin dhe Shtëpinë e Shëndetit në Gostivar, Ministria e Shëndetësisë tregoi se ka rënë trendi i epidemisë në këtë qytet.
Siç shihet, kulmi i atyre që kanë kërkuar ndihmë mjekësore ka qenë më 18 korrik – gjithsej 649 pacientë, ndërsa dje, 24 korrik, janë paraqitur vetëm 80 raste. Ministri i Shëndetësisë, Sasho Klekovski, tha se kemi një përgjysmim nga shifrat e mëparshme dhe përfundimisht jemi në një trend rënës.
Numri i përgjithshëm i të prekurve është rreth 4.000, ku deri më tani kemi arritur të anketojmë, domethënë janë paraqitur 750 me fletëparaqitje për sëmundje ngjitëse, ndërsa janë anketuar 490, kështu që mund të them se epidemia po hyn në një fazë qetësimi dhe po fillon faza e analizës së plotë epidemiologjike për përcaktimin e kronologjisë së ngjarjeve.
Ministri Klekovski u bëri apel qytetarëve që të shmangin vetë-mjekimin dhe marrjen e terapive pa konsultim, duke theksuar se çdo pacient me simptoma duhet patjetër të kontrollohet nga mjeku amë, i cili do t’i përcaktojë terapinë përkatëse.
Por kur gostivarasit do të mund ta përdojnë sërish ujin, qoftë edhe vetëm për pastrim? Gjatë javës, kryeministri Mickoski tha se ka pritshmëri që në fundjavë të ketë sërish ujë, nëse gjithçka shkon sipas planit, por i pyetur për këtë, ministri i shëndetësisë, sot tha se matjet ende nuk tregojnë nivelin e duhur të klorit në ujë që ai të mund të përdoret si ujë teknik.
Ministri i Shëndetësisë deklaroi se komiteti udhëheqës punon për këtë dhe rezultatet e djeshme ishin të pamjaftueshme, sepse që uji të jetë i sigurt deri në një nivel, shihet se sa klor ka në ujë. Ende nuk është arritur niveli i dëshiruar. Bëhen analiza të rregullta të ujit në disa vende të matjes.
Në momentin kur klorifikimi do të jetë në nivel të dëshiruar do të jepet leje për përdorim teknik të ujit, tha Ministri Klekovski. Ai tha se përgjegjësi do të ketë, por theksoi se hetimi duhet të bazohet në fakte profesionale dhe jo në akuza apo presione publike.
Ministri Klekovski theksoi se aktualisht po kryhen analiza të detajuara përmes disa burimeve të pavarura, me qëllim identifikimin e dobësive sistemore dhe parandalimin e përhapjeve të reja të infeksioneve.
*Burim: TV21, https://tv21.tv/gostivari-del-nga-kulmi-i-epidemise-uji-ende-pa-drite-jeshile-per-perdorim/*
*— Redaksia ZHURMA*